அரசியல் வெற்றி பெற மக்களின் மனநிலை தான் உண்மையான மைதானமா?
 |
| வாக்குகளின் வகைகள் |
முதல் பாகம்
அரசியல் மற்றும் கிரிக்கெட் – ஒரே தந்திர விளையாட்டு
ஒரு கிரிக்கெட் போட்டியில் கேப்டன் முதலில் மைதானத்தின் தன்மையை ஆராய்வார். பிச்சின் நிலைமை, காலநிலை, எதிரணி வீரர்கள் போன்ற அனைத்தையும் மதிப்பீடு செய்து தான் தந்திரங்களை அமைப்பார்.
அதேபோல் அரசியலில் வெற்றி பெற நினைக்கும் கட்சிகள் முதலாவதாக மக்களின் மனநிலையை அறிந்து வைத்திருக்க வேண்டும். மக்கள் என்ன எதிர்பார்க்கிறார்கள்? அவர்கள் எந்த மாற்றத்தை விரும்புகிறார்கள்? அவர்கள் எந்த பிரச்சினைகளால் பாதிக்கப்பட்டுள்ளனர்? என்ற கேள்விகளுக்கான பதில்களை தெரிந்து கொள்ளாமல் அரசியலில் வெற்றி பெறுவது கடினம்.
🗳️ பாகம் 2,இனி:
மக்களுக்கு நன்மை செய்தால் மட்டும் வாக்குகள் கிடைக்குமா?
தமிழக மக்களின் மனநிலையை ஆராய்ந்து பார்க்கும்போது, அவர்களுக்கு எவ்வளவு நன்மைகள் செய்தாலும் தேர்தல் நேரத்தில் அவர்கள் தங்கள் முடிவை மாற்றக்கூடியவர்களாக இருக்கிறார்கள்.
🛒 கடை உதாரணம்
புதிதாக ஒரு கடை திறக்கும்போது முதலில் இலவசங்கள் மற்றும் ஆபர்கள் அறிவிக்கப்படுகின்றன. மக்கள் அதற்காக அங்கு செல்கிறார்கள். ஆனால் அந்த கடையில் தரமான பொருட்கள், நல்ல சுவை, குறைந்த விலை ஆகியவை இருந்தால் மட்டுமே அவர்கள் தொடர்ந்து அங்கு செல்வார்கள்.
ஆனால் இன்னொரு புதிய கடை திறக்கப்பட்டு புதிய ஆபர்கள் அறிவித்தால், மக்கள் மீண்டும் மாறி செல்லக்கூடியவர்கள். அரசியலும் இதேபோல் தான் இயங்குகிறது.
Also
Read :நடிகர்கள் ரசிகர்களை அறிவாளியாக வைத்திருக்கிறார்களா? முட்டாள்களாக மாற்றுகிறார்களா?
🧭 வரலாற்று உதாரணம் – கர்மவீரர் காமராஜர்
கர்மவீரர் காமராஜர் தனக்காக எதையும் சேமிக்காமல் மக்களுக்காக வாழ்ந்த தலைவர். அவர் செய்த நன்மைகள் இன்று வரை போற்றப்படுகின்றன. ஆனால் அவரது ஆட்சிக் காலத்தில் மக்கள் அவருக்கு வாக்கு அளிக்க தவறிய சம்பவங்களும் உள்ளன. இது மக்களின் மனநிலை எவ்வாறு மாறக்கூடியது என்பதை காட்டுகிறது.
💭 அரசியலின் உண்மை
நாம் எவ்வளவு நன்மை செய்தாலும் மக்கள் நமக்கே வாக்கு அளிப்பார்கள் என்று நினைப்பது அரசியலில் மிகப்பெரிய தவறான கணிப்பு ஆகும்.
👨💼 அரசு வேலை உதாரணம்
ஒரு ஏழை இளைஞர் அரசு வேலை கிடைத்தால் வாழ்க்கை செழிக்கும் என்று நினைக்கிறார். பல போராட்டங்களுக்கு பிறகு அவர் வேலை பெறுகிறார். பின்னர் ஊழியர் சங்கத்தில் சேர்ந்து சம்பள உயர்வு, வேலை நேர குறைப்பு போன்ற கோரிக்கைகளுக்காக போராட ஆரம்பிக்கிறார்.
இது மனிதர்களின் எதிர்பார்ப்புகள் காலத்திற்கேற்ப அதிகரித்து கொண்டே இருக்கும் என்பதை காட்டுகிறது.
🤔 மக்கள் இப்படியானால் அரசியல்வாதிகள் எப்படி இருப்பார்கள்?
அதை வாசகர்கள் தாங்களே சிந்திக்க வேண்டிய ஒன்று.
🏏 தேர்தல் அறிக்கை – அரசியல் பந்து வீச்சு
கிரிக்கெட்டில் பந்துவீச்சாளர்கள் பல விதமான பந்துகளை வீசுவது போல, அரசியல் கட்சிகளும் தேர்தல் அறிக்கைகளில் பல வாக்குறுதிகளை வழங்குகின்றன. அந்த வாக்குறுதிகள் எத்தனை மக்களின் மனதை கவர்கின்றன என்பதே தேர்தல் முடிவை தீர்மானிக்கிறது.
Also read :
வாக்குகளின் வகைகள்
ஒரு கிரிக்கெட் போட்டியில் பல விதமான பந்துகள் இருப்பது போல, வாக்குகளும் பல வகையாக உள்ளன.
👉 கட்சி ஓட்டு
👉 ஜாதி ஓட்டு
👉 மத ஓட்டு
👉 சிந்தனை ஓட்டு
👉 பட்டதாரி ஓட்டு
👉 படிக்காத ஓட்டு
👉 பணக்காரன் ஓட்டு
👉 அரசு ஊழியர் ஓட்டு
👉 விவசாயி ஓட்டு
👉 முதலாளி ஓட்டு
👉 ஏழை ஓட்டு
👉 பெண்கள் ஓட்டு
👉 இளைஞர் ஓட்டு
👉 மது பிரியர் ஓட்டு
👉 ஆட்சியை மாற்றும் ஓட்டு
இந்த பல்வேறு வகையான ஓட்டுகளில் எந்த ஓட்டு ஆட்சியை தீர்மானிக்கிறது என்பதை அடுத்த பகுதியில் விரிவாக பார்க்கலாம்.