உலகம் முழுவதும் கிரிக்கெட் ரசிகர்கள் ஆவலுடன் எதிர்பார்த்த 20 ஓவர் உலகக் கோப்பை கிரிக்கெட் தொடர் துவங்குவதை முன்னிட்டு, கூகுள் நிறுவனம் சிறப்பு டூடுல் ஒன்றை வெளியிட்டு ரசிகர்களை உற்சாகப்படுத்தியுள்ளது.
உலக கோப்பை கிரிக்கெட் போட்டி இன்று துவக்கம்
 |
| கூகுல்டூடுல் |
பொதுவாக முக்கிய நிகழ்வுகள், நினைவு தினங்கள் மற்றும் உலகளாவிய விழாக்களை முன்னிட்டு கூகுள் தனது லோகோ வடிவத்தை மாற்றி டூடுல் வெளியிடுவது வழக்கம். அதேபோல், இந்த முறை உலகக் கோப்பை கிரிக்கெட் தொடர் துவக்கத்தை கொண்டாடும் வகையில் கிரிக்கெட் விளையாட்டை பிரதிபலிக்கும் சிறப்பு டூடுல் வெளியிடப்பட்டுள்ளது.
இந்த டூடுலில் கூகுள் எழுத்துக்கள் கிரிக்கெட் பேட், பந்து மற்றும் ரன் எடுப்பது போன்ற வடிவத்தில் காட்சியளிக்கிறது. கிரிக்கெட் ரசிகர்களை கவரும் வகையில் வண்ணமயமான வடிவமைப்பில் இந்த டூடுல் உருவாக்கப்பட்டுள்ளது. இதனை இணையத்தில் பார்க்கும் ரசிகர்கள் சமூக வலைதளங்களில் பகிர்ந்து உற்சாகத்தை வெளிப்படுத்தி வருகின்றனர்.
20 ஓவர் உலகக் கோப்பை தொடர் துவங்குவதால் உலகம் முழுவதும் கிரிக்கெட் காய்ச்சல் அதிகரித்துள்ளது. பல்வேறு நாடுகளை சேர்ந்த அணிகள் கலந்து கொள்ளும் இந்த தொடரில் ரசிகர்கள் மிகுந்த எதிர்பார்ப்புடன் போட்டிகளை எதிர்நோக்கி வருகின்றனர்.
உலகக் கோப்பை கிரிக்கெட் தொடர் துவக்கத்தை முன்னிட்டு கூகுள் வெளியிட்டுள்ள இந்த சிறப்பு டூடுல் கிரிக்கெட் ரசிகர்களிடையே நல்ல வரவேற்பை பெற்றுள்ளது.